×
A
A
A
Sazlamalar

Azərbaycan Taekvondo Federasiyasının nümayəndələri Türkiyədə səs veriblər

Bakı, 7 fevral, AZƏRTAC

Türkiyə açıq çempionatında mübarizə aparmaq üçün Antalyada olan taekvondo üzrə Azərbaycan millisinin məşqçilər korpusu və komanda nümayəndələri növbədənkənar prezident seçkilərində iştirak ediblər.
Federasiyadan AZƏRTAC-a verilən məlumata görə, onlar qardaş ölkədəki Azərbaycan Mədəniyyət və Dəstək Dərnəyində səs veriblər.
Səsvermə prosesinə Azərbaycan Taekvondo Federasiyasının Nəzarət-Təftiş Komissiyasının sədri Anar Surxayzadə, pumse üzrə yığmanın baş məşqçisi Etibar İbrahimov, yeniyetmələrdən ibarət millinin çalışdırıcısı Rəşad Məmmədov, böyük məşqçi Vurğun Cəfərov və komandanın həkimi Ruslan Şərifov qatılıblar.
Qeyd edək ki, yeniyetmələrdən ibarət yığma Antalyaya bu gün yollanıb.

İdman 2024-02-07 18:52:00