Bakı, 7 fevral, AZƏRTAC

Bu gün Azərbaycanda növbədənkənar prezident seçkiləri keçirilir.
AZƏRTAC xəbər verir ki, səs verənlər arasında Milli Olimpiya Komitəsinin (MOK) və Azərbaycan Atıcılıq Federasiyasının (ATF) vitse-prezidenti Zemfira Meftahətdinova da var.
Olimpiya çempionu Yasamal rayonunda yerləşən 17 saylı seçki dairəsinə gələrək öz namizədinə səs verib.
Seçkilərlə bağlı təəssüratlarını AZƏRTAC-la bölüşən Z.Meftahətdinova deyib: “Bu, tarixi gündür. Ölkəmizin ərazi bütövlüyü bərpa olunduqdan sonra ilk prezident seçkiləridir. Vətəndaş olaraq biz də ailəliklə səsvermədə iştirak etməyi özümüzə borc bildik. Qalib xalqın qalib lideri olmalıdır. Seçkilərin necə şəffaf keçirilməsinin bir daha şahidi olduq. Hər kəsə uğurlar arzulayıram”.