Latın Amerikası mətbuatında 20 Yanvar faciəsinə həsr olunmuş məqalələr dərc edilib
Bakı, 23 yanvar, AZƏRTAC
Perunun aparıcı mətbu orqanı olan “El Peruano” rəsmi dövlət qəzeti və Kolumbiyanın “Al Press” xəbər agentliyinin internet səhifələrində “Qanlı 20 Yanvar” faciəsinə həsr edilmiş məqalələr dərc olunub.
Azərbaycanın Meksikadakı səfirliyindən AZƏRTAC-a bildirilib ki, “Qara Yanvar Azərbaycan tarixinin şərəf və qəhrəmanlıq səhifəsidir” və “Bir xalqı daha da böyüdən Qanlı Yanvar” başlıqlı məqalələrdə tarixə qara hərflərlə yazılan bu hadisənin Azərbaycan xalqının azadlıq iradəsini, mübarizə əzmini qıra bilmədiyinə diqqət çəkilir, əksinə xalqımızın uzun illər arzuladığı müstəqilliyinə nail olduğu və bu uğursuz hərbi müdaxilənin SSRİ-nin süqutunu sürətləndirdiyi qeyd edilir.
Məqalələrdə 1990-cı il yanvarın 19-dan 20-nə keçən gecə SSRİ-nin dövlət başçısı Mixail Qorbaçovun göstərişi ilə Bakıya yürüş edən sovet əsgərlərinin dinc sakinlərə qarşı vəhşicəsinə törətdikləri qətllərin heç vaxt bağışlanmayacağı və xalqımızın qan yaddaşına əbədi həkk olunduğu bildirilir. Azadlıq arzusu ilə yaşayan Azərbaycan xalqının 20 Yanvar faciəsinin acı nəticələrindən təsirlənmədiyi, əksinə bu hadisələrdən daha da güclənərək çıxdığı və sonradan tarixi zəfərlər yaşadığı qeyd olunur. Ümummilli Lider Heydər Əliyevin bu baxımdan “Qara Yanvar”ı Azərbaycanın müasir tarixinin ən faciəli, eyni zamanda, qəhrəmanlıq və şücaət səhifəsi adlandırdığı vurğulanır.
Yazılarda bəşər tarixində qara səhifə olaraq yer alan “20 Yanvar” Azərbaycanın müstəqilliyinə aparan bir yol kimi nəzərdən keçirilir və bu gün ölkəmizin ərazi bütövlüyünü, suverenliyini tam bərpa edərək adını dünyanın lider ölkələri sırasına yazdırdığı, bir sıra dünyamiqyaslı mötəbər tədbirlərə ev sahibliyi etməsinin bunun bariz nümunəsi olduğu bildirilir.
Bakı-Tbilisi-Qars dəmir yolu xəttində modernləşdirmə işləri başa çatıb MÜSAHİBƏ
Norveçli səyyahlar Laçında həyata keçirilən bərpa və yenidənqurma işləri ilə tanış olublar
Milli Məclisin növbəti iclasının vaxtı və gündəliyi açıqlanıb
Milli Məclisdə Bosniya və herseqovinalı deputatla görüş təşkil edilib
Azərbaycan-Argentina parlamentlərarası əlaqələrinin inkişaf perspektivləri müzakirə edilib