Bakı, 18 yanvar, AZƏRTAC

Bakı Dövlət Universitetində (BDU) 20 Yanvar faciəsinin 34-cü ildönümü ilə əlaqədar foto və kitab sərgisi təşkil olunub.
Bu barədə AZƏRTAC-a BDU-dan məlumat verilib.
BDU-nun Elmi Kitabxanasının təşkil etdiyi sərgidə 20 Yanvar faciəsindən, onun dəhşətlərindən, xalqımızın azadlıq, müstəqillik naminə apardığı mübarizədən, 20 Yanvar şəhidlərindən bəhs edən nəşrlər və fotolar nümayiş olunur.