Xaçmaz, 6 dekabr, Elxan Yusifli, AZƏRTAC
Xaçmazda avtoqəzada ölən motosiklet sürücüsünün şəxsiyyəti müəyyənləşib.
AZƏRTAC-ın bölgə müxbiri xəbər verir ki, hadisə Gəndob-Yalama yolunun Xaçmaz şəhəri ərazisindən keçən hissəsində baş verib. Müşfiq Quliyevin idarə etdiyi 99 DR 405 nömrəli "Mercedes" markalı yük avtomobili motosikletlə toqquşub.
Qəza nəticəsində motosiklet sürücüsü 1970-ci il təvəllüdlü Xaçmaz rayonu Qaraçı kənd sakini Əkbərov Valeh Kamil oğlu yük avtomobilinin altında qalaraq hadisə yerində ölüb.
Faktla bağlı araşdırma aparılır.