Bakı, 4 dekabr, AZƏRTAC

İran İslam Respublikası Hərbi Dəniz Qüvvələrinin komandanı kontr-admiral Şəhram İraninin rəhbərlik etdiyi nümayəndə heyəti Bakıda səfərdədir.
Müdafiə Nazirliyinin mətbuat xidmətindən AZƏRTAC-a bildirilib ki, səfər çərçivəsində komandanın Azərbaycan Respublikasının müdafiə naziri general-polkovnik Zakir Həsənovla görüşü, həmçinin Hərbi Dəniz Qüvvələrinin qərargahını və Heydər Əliyev adına Hərbi İnstitutu ziyarəti planlaşdırılır.