×
A
A
A
Sazlamalar

“Qarabağ” “Molde” ilə oyun üçün Norveçə yola düşüb

Bakı, 29 noyabr, AZƏRTAC
UEFA Avropa Liqasının qrup mərhələsinin beşinci turunda “Molde”nin qonağı olacaq “Qarabağ” klubu Norveçə yola düşüb.
AZƏRTAC xəbər verir ki, komanda səfərə tam heyətlə yollanıb.
Oyundan əvvəl açıq məşqini Bakıda keçirən komanda təqribən 6 saatlıq uçuşdan sonra Moldeyə çatacaq. Bu gün Bakı vaxtı ilə 22:00-da isə Ağdam təmsilçisinin baş məşqçisi Qurban Qurbanovun mətbuat konfransı təşkil olunacaq.
Qeyd edək ki, noyabrın 30-da Molde şəhərindəki eyniadlı stadionda keçiriləcək qarşılaşma Bakı vaxtı ilə saat 00:00-da başlayacaq.

İdman 2023-11-29 11:59:00