×
A
A
A
Sazlamalar

"Avro-2024": Emin Mahmudovun qolu turun ən yaxşısı seçilib

Bakı, 22 noyabr, AZƏRTAC

"Avro-2024"-ün seçmə mərhələsində IX turun ən yaxşı qolu müəyyənləşib.
AZƏRTAC Avropa futbol qurumunun rəsmi saytına istinadən xəbər verir ki, Azərbaycan millisinin kapitanı Emin Mahmudovun Bakıda İsveç yığması ilə oyunda vurduğu ikinci qol bu nominasiya üzrə birinci olub.
UEFA-nın rəsmi saytında azarkeşlər arasında keçirilmiş sorğunun nəticələrinə əsasən, 30 yaşlı yarımmüdafiəçinin meydanın mərkəzindən rəqib qapısından keçirdiyi top turun qolu seçilib.
Qeyd edək ki, qarşılaşma Azərbaycan millisinin 3:0 hesablı qələbəsi ilə başa çatıb.

İdman 2023-11-22 00:49:00