Bakı, 21 noyabr, AZƏRTAC

Türkiyə, Azərbaycan və Türk dünyasının digər ölkələri dostluqlarını, qardaşlıqlarını tarixən möhkəmləndirmək üçün çalışıblar. Bu gün də Türkiyə Prezidenti Rəcəb Tayyib Ərdoğan, Azərbaycan Prezidenti İlham Əliyev və digər türk dövlətlərinin başçıları əlaqələri genişləndirmək üçün işlər görürlər.
AZƏRTAC xəbər verir ki, bu sözləri Türkiyə Böyük Millət Məclisinin sədr müavini Bekir Bozdağ Ümummilli Lider Heydər Əliyevin 100 illiyinə və Türkdilli Ölkələrin Parlament Assambleyasının (TürkPA) 15 illiyinə həsr olunmuş konfransda söyləyib.
O bildirib ki, parlamentlərarası əlaqələr xalqımızın arasındakı münasibətləri daha da inkişaf etdirəcək. Dünyadakı hazırkı mürəkkəb vəziyyət Türk dövlətlərinin birlikdə olmasını zərurətə çevirir.