Bakı, 21 noyabr, AZƏRTAC

Bu həftə “Abşeron” yatağında hasilata başlanılıb.
AZƏRTAC xəbər verir ki, bu sözləri “Total Energies” şirkətinin idarəedici direktoru Emmanuel De-Guillebon “SPE Caspian Technical Conference and Exhibition” tədbirində bildirib.
“Bundan başqa, “Abşeron”un növbəti fazaları üzərində də çalışırıq, ölkədə gələcəkdə bərpa olunan enerji layihələrinə baxırıq və işçilər üçün təlimlər keçirik”, - deyə Emmanuel De-Guillebon əlavə edib.