Bakı, 21 noyabr, AZƏRTAC
Bu gün Çağırış kubokunda mübarizə aparan kişi voleybolçulardan ibarət “Xarı Bülbül” 1/16 final mərhələsində ilk oyununa çıxacaq.
AZƏRTAC xəbər verir ki, Şuşa təmsilçisi Bakıda Yunanıstanın “Panathinaikos” klubu ilə üz-üzə gələcək. Qarşılaşma saat 19:00-da Voleybol Mərkəzində baş tutacaq. Komandalar arasında ikinci oyun isə noyabrın 29-da Yunanıstanda keçiriləcək.
“Xarı Bülbül” Çelenc kubokunun ilk turunda Slovakiyanın “Spartak” klubuna hər iki görüşdə qalib gəlib (3:0, 3:1).