Bakı, 21 noyabr, AZƏRTAC
Futbol üzrə Azərbaycan Kubokunda 2023/2024-cü illər mövsümünün II təsnifat mərhələsinin oyun cədvəli müəyyənləşib.
AZƏRTAC Peşəkar Futbol Liqasının rəsmi saytına istinadən xəbər verir ki, bu raundun qarşılaşmaları iki günü əhatə edəcək.
Qeyd edək ki, “Lerik”, “Kür-Araz” və “Şəfa” klubları Əsasnamə tələbinə əsasən ya standartlara cavab verən stadion təmin etməli, ya da səfərdə oynamalı idilər. Adıçəkilən klublar PFL-ə rəsmi şəkildə səfər komandası kimi oynamaqla bağlı bildiriş ünvanlayıblar. Qərara əsasən, “Lerik” “Sumqayıt”ı, “Şəfa” “Səbail”i, “Kür-Araz” isə “Araz-Naxçıvan”ı rəqibin meydanında qəbul edəcək.

Azərbaycan Kuboku
II təsnifat mərhələsi

28 noyabr (çərşənbə axşamı)
13:30. “Karvan” - “Difai Ağsu”
Yevlax şəhər stadionu

13:30. “Araz Saatlı” - “İrəvan”
Saatlı Olimpiya İdman Kompleksinin stadionu

13:30. MOİK - “Cəbrayıl”
Binə qəsəbə stadionu

15:00. “Şəfa” - “Səbail”
“ASCO Arena”

17:00. “Turan Tovuz” - “Göygöl”
Tovuz şəhər stadionu

29 noyabr (çərşənbə)
13:30. “Şahdağ Qusar” - “Qaradağ Lökbatan”
Şamaxı Olimpiya İdman Kompleksinin stadionu

13:30. “Kəpəz” - “Baku Sportinq”
Tovuz şəhər stadionu

13:30. “Zaqatala” - “Şamaxı”
Zaqatala Olimpiya İdman Kompleksinin stadionu

13:30. “İmişli” - “Mingəçevir”
İmişli şəhər stadionu

15:00. “Kür-Araz” - “Araz-Naxçıvan”
“Dalğa Arena”

18:00. “Lerik” - “Sumqayıt”
“Kapital Bank Arena”