Bakı, 18 noyabr, AZƏRTAC

Almaniyada yaşayan azərbaycanlıların birliyini müşahidə edirik. Bizim hər birimizin vəzifəsi Azərbaycanla bağlı həqiqətlərin dürüst şəkildə yerli ictimaiyyətə çatdırılmasıdır.
AZƏRTAC xəbər verir ki, bu fikirləri Azərbaycanın Almaniyadakı fövqəladə və səlahiyyətli səfiri Nəsimi Ağayev Berlində keçirilən Azərbaycanlı Həkimlərin II Forumu zamanı çıxışında bildirib.
Səfir qeyd edib: “Almaniyadakı Azərbaycan diasporu xüsusi fəallığı ilə seçilir və mühüm işlər görür. Bundan sonra da bu fəaliyyətlərin birgə, sıx və əlaqələndirilmiş şəkildə davam etdirilməsi və gücləndirilməsi zəruridir”.