Xırdalan, 3 oktyabr, Ə.Rzayeva, AZƏRTAC

Abşeron rayonunun Masazır kəndində yerləşən Duz gölü ətrafında, o cümlədən şəhid ailələrinin və müharibə iştirakçılarının sıx məskunlaşdığı yaşayış kompleksinin ərazisində “Təmiz ölkəm” aksiyası çərçivəsində iməcilik keçirilib.
AZƏRTAC xəbər verir ki, Ekologiya və Təbii Sərvətlər Nazirliyinin, Abşeron Rayon İcra Hakimiyyətinin, YAP Abşeron rayon təşkilatının və könüllülərin iştirakı ilə keçirilən iməcilik zamanı 12 hektar ərazidən, ümumilikdə, 600 kiloqram tullantı daşınıb.