Gədəbəy, 28 sentyabr, Göyçək Mahmudlu

Baş nazirin sərəncamına uyğun olaraq Söyüdlü kəndinin sakinlərinin dispanserizasiyası aparıldı. Dispanserizasiya könüllü şəkildə həyata keçirildi. Nəticələr onu göstərdi ki, Söyüdlü kənd sakinlərinin xəstəliklər üzrə göstəriciləri ümumiyyətlə ölkə üzrə olan göstəricilərdən aşağıdır. Yəni, burada yaşayan əhalinin sağlamlıq vəziyyəti kifayət qədər qənaətbəxşdir.
AZƏRTAC xəbər verir ki, bunu jurnalistlərə açıqlamasında səhiyyə nazirinin müavini Nadir Zeynalov deyib.
"Bəzi xəstəliklərlə bağlı göstəricilər ölkə üzrə aşağı olsa da, Gədəbəyin ümumi orta statistikasından yuxarıdır. Biz bunu məqsədyönlü şəkildə aparılan müayinələrlə əlaqələndirə bilərik. Burada sağlam insanları müayinə etdik və aşkarlanma faizi daha yuxarı oldu. Ümumilikdə isə burada yaşayan əhali arasında sağlamlıq vəziyyəti qənaətbəxşdir", - deyə N.Zeynalov qeyd edib.