Bakı, 28 sentyabr, AZƏRTAC

Azərbaycanı təmsil edən 3 xanım iştirakçı Gürcüstanın paytaxtı Tbilisidə keçirilmiş “Caucasus and Central Asia Awards” müsabiqəsinin qalibi olub.
AZƏRTAC xəbər verir ki, 6 ölkədən 80-dən çox iştirakçısı olan və münsiflər heyətində İnnovasiya və Rəqəmsal İnkişaf Agentliyinin (İRİA) sədr əvəzi İnarə Vəliyevanın da yer aldığı bu müsabiqə texnologiya və STEAM üzrə aparılıb.
Müsabiqədə Azərbaycanı təmsil edən Ləman Əliyeva, Leyla Orucova və Ana Nakaşidze 43 finalçı arasında müvafiq olaraq “Yeni başlayan Yeniyetmə Mükafatı”, “Startap Mükafatı” və “Qlobal Liderlik Mükafatı” nominasiyaları üzrə qalib olublar.