Ağdam, 26 sentyabr, Tahir Ağaməmmədov, AZƏRTAC

Sentyabrın 26-da Xankəndiyə növbəti humanitar yardım karvanı yola salınıb.
AZƏRTAC-ın bölgə müxbiri xəbər verir ki, 4 yük avtomobili 40 ton unu, gigiyenik vasitələri, yataq dəstlərini ünvana çatdıracaq. Həmçinin növbəti təcili tibbi yardım avtomobili Xankəndi yaxınlığında yanacaqdoldurma məntəqəsində baş vermiş partlayış nəticəsində yaralanan şəxslərə tibbi ləvazimatlar aparır.
Humanitar yardım Ağdam-Əsgəran-Xankəndi yolu ilə Xankəndiyə yola salınıb.