Pekin, 22 sentyabr, AZƏRTAC

Çin Xalq Respublikası və Suriya Ərəb Respublikası strateji tərəfdaşlıq haqqında sənəd imzalayıb.
AZƏRTAC xəbər verir ki, sentyabrın 22-də Çinin Hancou şəhərində görüşən Çin lideri Si Cinpin və Suriya Prezidenti Bəşər Əsəd iki ölkənin strateji tərəfdaşlığını elan ediblər.
Si Cinpin deyib ki, Çin-Suriya münasibətləri beynəlxalq vəziyyətdəki dəyişikliklərin sınağından keçib, dostluq münasibətləri daha da möhkəmlənib. O, strateji tərəfdaşlığın Çin-Suriya münasibətlərində mühüm mərhələ olacağını söyləyib.
Qeyd edək ki, Suriya Prezidenti Bəşər Əsəd Hancouda keçiriləcək 19-cu Asiya Oyunlarının açılış mərasimində iştirak etmək üçün Çində səfərdədir.