Bakı, 19 sentyabr, AZƏRTAC

Çimərlik futbolu üzrə Azərbaycan millisi İtaliyanın Alghero şəhərində təşkil olunan Avropa Superfinalında ilk oyununu keçirib.
AZƏRTAC xəbər verir ki, yığmamız Türkiyə kollektivi ilə qarşılaşıb. Matçın əsas vaxtı 5:5 hesabı ilə başa çatıb.
Penaltilər seriyasında daha dəqiq oynayan Azərbaycan millisi (3:1) yekunda qələbə qazanıb.
Qeyd edək ki, yığmamız turnirdə növbəti matçını sentyabrın 20-də Rumıniya komandasına qarşı keçirəcək. Qarşılaşma Bakı vaxtı ilə saat 12:15-də başlayacaq.