Bakı, 19 sentyabr, AZƏRTAC
İqtisadi Zonaların İnkişafı Agentliyinin (İZİA) idarəçiliyində olan Qaradağ Sənaye Parkının rezidenti “Bakı Gəmiqayırma Zavodu” MMC Rusiyanın Sankt-Peterburq şəhərində keçirilən Beynəlxalq “NEVA 2023” sərgisində öz stendi ilə təmsil olunur.
İZİA-dan AZƏRTAC-a bildirilib ki, sərgi iştirakçılarına Bakı Gəmiqayırma Zavodunun ümumi fəaliyyəti, həyata keçirilmiş layihələr barədə məlumat verilib, eyni zamanda, sərgi çərçivəsində müxtəlif işgüzar görüşlər təşkil edilib.
Görüşlərdə Bakı Gəmiqayırma Zavodunun gəmiçilik sahəsindəki qabaqcıl təcrübəsi, zavodun imkanlarının genişləndirilməsi, gələcəkdə həyata keçiriləcək layihələr müzakirə olunub.
Sərgi sentyabrın 21-dək davam edəcək.