Bakı, 19 sentyabr, AZƏRTAC

Rusiyanın Moskva şəhərində atçılığın dresaj növü üzrə cavan atların Avrasiya çempionatı keçirilib.
Gənclər və İdman Nazirliyinin mətbuat xidmətindən AZƏRTAC-a verilən məlumata görə, yarışda ölkəmizi Aydın Əlibəyov təmsil edib.
O, bütün rəqiblərini geridə qoyaraq mütləq çempion adını qazanıb.
Qeyd edək ki, A. Əlibəyov yarışda 6 yaşlı “Reverie” və 7 yaşlı “So Classi CG” atları ilə mübarizə aparıb.