Bakı, 10 iyun, AZƏRTAC

Yuxarı Şirvan kanalının Ağdaş rayonunun Dəhnəxəlil kəndi ərazisindən keçən hissəsində batmış bir nəfərin axtarışları başa çatıb.
Bu barədə AZƏRTAC-a Fövqəladə Hallar Nazirliyinin (FHN) mətbuat xidmətindən məlumat verilib.
FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin Aran dalğıc-axtarış qrupunun həyata keçirdikləri əməliyyat nəticəsində axtarışı aparılan 2006-cı il təvəllüdlü Kərimli Samir Mirzəmməd oğlunun cəsədi batdığı ehtimal olunan yerdən 450 metr aralıda aşkarlanaraq kanaldan çıxarılıb və aidiyyəti üzrə təhvil verilib.