Kürmükçayda gecədən başlayan sel hazırda davam edir
Bakı, 7 iyun, AZƏRTAC
Milli Hidrometeorologiya Xidmətinin iyunun 7-si saat 16:00-a olan məlumatına əsasən, Naxçıvan, Daşkəsən, Gədəbəy, Göygöl, Gəncə, Şəmkir, Şəki, Qusar, Mingəçevir, Qrız (Quba), Şahdağda (Qusar) şimşək çaxıb, arabir leysan xarakterli yağış yağıb.
Xidmətdən AZƏRTAC-a verilən məlumata görə, Göygöl, Balakən, Şahdağ, Qrızda duman müşahidə olunub.
Qax rayonundan keçən Kürmükçayda gecədən başlayan sel hazırda davam edir.
Şimal-qərb küləyi əsib, arabir Bakıda və Abşeron yarımadasında 16 metr/saniyəyədək güclənib. Neft Daşları meteoroloji stansiyasının məlumatına əsasən, dalğanın hündürlüyü 3.2 metrə çatıb.
Hazırda havanın temperaturu Bakıda və Abşeron yarımadasında 24-29°, Naxçıvan Muxtar Respublikasında 27-29°, dağlıq rayonlarda 12-14°, Aran rayonlarında 20-25° isti, yüksək dağlıq ərazilərdə 6°-dək isti təşkil edir.
Avqustun 30-u axşamadək əksər rayonlarda hava yağıntılı olacaq
Asif Verdiyev: Yağışlarla əlaqədar əksər çaylarda sululuq artıb
Faktiki hava: Hazırda ölkə ərazisində yağmursuz hava şəraiti hökm sürür
Sabahın hava proqnozu açıqlanıb
Faktiki hava: Bəzi yerlərdə şimşək çaxıb, arabir leysan xarakterli intensiv yağış yağıb