Bakı, 6 iyun, AZƏRTAC

Azərbaycan Respublikası Dövlət Neft Fondu (ARDNF) bu ilin ilk 5 ayı ərzində “Azəri-Çıraq-Günəşli” (AÇG) yataqlar bloku və “Şahdəniz” yatağı üzrə gəlirlərini açıqlayıb.
Fondan AZƏRTAC-a verilən məlumata görə, AÇG yatağından bu ilin əvvəlindən iyun ayının 1-i tarixinə 3 013 milyon ABŞ dolları, “Şahdəniz” yatağından (qaz və kondensat) isə ilin əvvəlindən 1 iyun tarixinə 935,754 milyon ABŞ dolları gəlir əldə olunub.
O cümlədən “Şahdəniz” yatağı üzrə kondensatın satışından əldə olunan gəlirlər hesabat dövründə 197,763 milyon ABŞ dolları təşkil edib.