Bakı, 6 iyun, AZƏRTAC

Gəncənin “Kəpəz” futbol klubunun Nəbiyev qardaşları - müdafiəçi Yusif və yarımmüdafiəçi Fərid ilə müqaviləsi başa çatıb.
AZƏRTAC xəbər verir ki, bu barədə klubun mətbuat xidməti məlumat yayıb. Onların “Kəpəz”dən ayrıldığı vurğulanıb.
Son mövsümdə 34 oyuna çıxan Yusif Nəbiyev 2 qol vurub və eyni sayda qolun ötürməsinin müəllifi olub. Futbolçu Gəncə təmsilçisini kapitan kimi də meydana çıxarıb. Çempionatda 30 oyuna çıxan Fərid Nəbiyev isə 4 dəfə fərqlənməklə 7 qolun ötürməsini edib.