Xaçmaz, 5 iyun, Elxan Yusifli, AZƏRTAC

Dəmir Yolu Nəqliyyatında Polis İdarəsinin Xaçmaz Xətt Polis Şöbəsinin əməkdaşları keçirilən əməliyyat-axtarış tədbirləri zamanı ərazidən keçən qatarın tərkibindəki platforma vaqonundan ayrı-ayrı qablarda, ümumilikdə, 20 ədəd avtomobil yağı və 30 ədəd yağ filtri oğurlamaqda şübhəli bilinən rayon sakinini saxlayıblar.
Daxili İşlər Nazirliyinin mətbuat xidmətinin Quba regional qrupundan AZƏRTAC-ın bölgə müxbirinə bildirilib ki, saxlanılan şəxs rayonun Ləcət kənd sakini Sergey Atamanenkodur.
Faktla bağlı araşdırmalar davam etdirilir.