Pxenyan BMT-nin baş katibini tənqid edib
Bakı, 2 iyun, AZƏRTAC
Pxenyan orbitə hərbi peyk buraxmasına görə Şimali Koreyanı qınayan BMT-nin baş katibi Antonio Quterreşi tənqid edib.
AZƏRTAC xəbər verir ki, KXDR Xarici İşlər Nazirliyinin Beynəlxalq Təşkilatlar Departamentinin Baş direktoru Ço Çhol So BMT baş katibinin üzv dövlətin “suveren hüquqlarını” pozduğunu və ölkənin daxili işlərinə qarışdığını deyib. Onun sözlərinə görə, BMT-nin təkcə ABŞ-a məxsus olmadığını göstərmək üçün Pxenyan hərbi casus peykinin fəzaya buraxılması da daxil olmaqla, suveren hüquqlarından istifadə edəcək.
BMT isə öz növbəsində peyklə bağlı insidentdən sonra iyunun 2-də Təhlükəsizlik Şurasının iclasını çağırmaq qərarına gəlib.
Qeyd edək ki, çərşənbə günü səhər saatlarında Şimali Koreyanın orbitə buraxdığı hərbi casus peykini daşıyan raket mühərrikində yaranan problem səbəbindən Sarı dənizə düşüb. KXDR-in Kosmik İnkişaf üzrə Dövlət Agentliyi qəzaya səbəb olan nöqsanları araşdıracağını, lazımi tədbirlər görəcəyini və yaxın vaxtlarda peyki orbitə çıxaracağını bildirib.
Çexiyanın dövlət borcu 136 milyard dollara yüksəlib
ABŞ İsrailə 1 milyard dollarlıq mərmi tədarükü imkanını araşdırır
G7 ölkələri Ukraynanın hava hücumundan müdafiəsini gücləndirəcəklər
Haiti Fransadan milyardlarla ölçülən təzminat tələb edir
Niderland Ukraynaya hərbi yardım göstərmək üçün 200 milyon avrodan çox vəsait ayıracaq