Maliyyə Nazirliyinin nümayəndə heyəti beynəlxalq tədbirdə iştirak edib
Bakı, 1 iyun, AZƏRTAC
Dublin şəhərində İrlandiyanın Maliyyə Nazirliyinin təşkilatçılığı ilə “2-ci Qlobal Hökumət Fintek Laboratoriyası” adlı tədbir keçirilib.
Azərbaycan Respublikası Maliyyə Nazirliyinin nümayəndə heyətinin də iştirak etdiyi tədbirdə müasir texnologiyaların maliyyə sektoruna inteqrasiyası istiqamətində son dövrlər müxtəlif ölkələrdə həyata keçirilən işlər, habelə maliyyə xidmətlərinə əlçatanlığın təmin edilməsi üçün təhlükəsizlik məsələləri barədə müzakirələr aparılıb.
Maliyyə Nazirliyindən AZƏRTAC-a bildirilib ki, tədbirdə Dövlət Xəzinədarlıq Agentliyinin direktoru Nazim Qasımzadə “Rəqəmsal və fintek həllərinin dövlət ödənişlərində rolu” mövzusunda keçirilən panel müzakirələrində iştirak edərək, ölkəmizdə “Ani ödəniş sistemi”nin dövlət xəzinədarlığında tətbiqi, eləcə də dövlət rüsumlarının qaytarılması sahəsində yaradılan avtomatlaşdırılmış sistem haqqında təqdimatla çıxış edib.
Azərbaycan BMT ilə əlaqələri və COP29 çərçivəsində əməkdaşlığı müzakirə edib
Azərbaycan neftinin qiyməti artıb
ABŞ-da IEA ilə enerji səmərəliliyi və COP29 üzrə əməkdaşlıq müzakirə edilib
Beynəlxalq Valyuta Fondu COP29-a ev sahibliyi çərçivəsində Azərbaycana dəstək göstərməyə hazırdır