×
A
A
A
Sazlamalar

Bakıda rus romansı axşamı keçirilib

Bakı, 1 iyun, AZƏRTAC

Bakıdakı Rus evində rus romansı axşamı təşkil olunub. Bu janr Rusiyada XIX əsrin birinci yarısında romantizmin yeni cərəyanının axınında formalaşıb və rus mədəniyyətinin təcəssümlərindən birinə çevrilib. Bəstəkarlar A.A.Alyabyev, A.Y.Varlamov və A.L.Qurilyov onun təşəkkülünə mühüm töhfə veriblər.
Rusiya İnformasiya-Mədəniyyət Mərkəzinin mətbuat xidmətindən AZƏRTAC-a bildiriblər ki, tədbirdə A.S.Puşkin, M.Y.Lermontov, B.A.Axmadulina və M.İ.Svetayevanın şeirlərinə bəstələnmiş romanslar ifa olunub.
Rus romansı axşamında gənc istedadlar, tanınmış opera müğənnisi Yevgeniya Məmmədovanın yetirmələri, Qara Qarayev adına mərkəzi incəsənət məktəbinin şagirdləri, dirijor Mələk Vəlizadənin yetirmələri, eləcə də Pyatiqorsk və Çerkessk Yeparxiyasının Mədəniyyət şöbəsinin rəhbəri, müəllif və ifaçı Mixail Statsyuk çıxış ediblər.
Diplomatik korpusun nümayəndələri, mədəniyyət xadimləri tədbirdə olublar.

Mədəniyyət 2023-06-01 16:22:00