Bakı, 1 iyun, AZƏRTAC

İyunun 1-də Mədəniyyət Nazirliyinin dəstəyi ilə Azərbaycan İstiqlal Muzeyində 1 İyun - Uşaqların Beynəlxalq Müdafiəsi Gününə həsr olunan “Heydər Əliyev və uşaqlar” adlı musiqili ədəbi-bədii tədbir təşkil edilib.
Muzeydən AZƏRTAC-a verilən məlumata görə, ölkə başçısının 2023-cü ilin “Heydər Əliyev İli” elan edilməsi haqqında Sərəncamına əsasən Azərbaycan İstiqlal Muzeyi tərəfindən start verilən "Ümummilli Lider Heydər Əliyev xatirələrdə" adlı layihə çərçivəsində təşkil olunan tədbirdə ölkəmizdə əsası Ulu Öndər Heydər Əliyev tərəfindən qoyulan uşaq siyasəti haqqında çıxışlar dinlənilib.
Bədii hissədə Gənclərin Respublika Bədii Yaradıcılıq Evinin istedadlı üzvləri canlı musiqi və rəqs kompozisiyaları təqdim ediblər.
Sonda Ümummilli Lider Heydər Əliyevin uşaqlar haqqında çıxışlarından ibarət videoçarx nümayiş olunub.