Bakı, 31 may, Emil Məlikov, AZƏRTAC
Son dövrlərdə Hindistan və Pakistandan gələn xarici ziyarətçilərin sayı artmaqdadır. Cari ilin son 4 ayının statistikasına əsasən hər iki ölkə müvafiq olaraq 5 və 6-cı yerlərdə qərarlaşıblar. Hindistan və Pakistan COVID-19 pandemiyasından sonra tam bərpa olunan, hətta 2023 və 2019-cu ilin yanvar, aprel aylarının müqayisəsinə əsasən müvafiq olaraq 72 faiz artım göstərən ölkələr sırasındadırlar.
Bu barədə AZƏRTAC-a Dövlət Turizm Agentliyindən məlumat verilib.
"Cari ilin yanvar, fevral aylarında Azərbaycan Turizm Bürosu tərəfindən Hindistanın Mumbai, Çenay, Əhmədabad və Dehli şəhərlərində tanıtım tədbirləri təşkil olunub. Hazırda Dehli ilə həftədə 3 dəfə olmaqla uçuşlar həyata keçirilir. Pakistanın isə Karaçi, İslamabad, Lahor şəhərlərindən ümumilikdə həftədə 5 dəfə olmaqla uçuşlar təşkil olunur", - deyə məlumatda qeyd edilib.