Bakı, 31 may, AZƏRTAC

Xəstəliklər, onların yaranması və ya tibbi yardımlarla bağlı müxtəlif fikirlər eşidirik, lakin bunlar bəzən həqiqəti əks etdirmir. Bu cür fikirlər insanları yanlış istiqamətə yönəldir.
AZƏRTAC Kliniki Tibbi Mərkəzin saytının “Doğru bildiyimiz yanlışlar” rubrikasına istinadla bildirir ki, vətəndaşların ilk tibbi yardım zamanı ən çox yanlış üsullardan istifadə etdiyi vəziyyətlərdən biri də yanıq zamanı özünü göstərir.
Yadda saxlamaq lazımdır ki, yanan nahiyəyə dərhal diş məcunu vurmaq yanlış müdaxilə üsuludur və yanığın daha da dərinləşməsinə səbəb ola bilər. Yanan hissəni su altına tutaraq 10-15 dəqiqə ərzində soyutmaq lazımdır. Bu, ağrının azalmasının və daha da dərinləşmənin qarşısını almağa kömək edir.
Yanığa ilk yardım zamanı effektiv üsullardan biri yumurtanın ağını həmin nahiyəyə sürtməkdir. Yanan hissəyə qatıq sürtmək də effektiv üsullardan sayılır. Bu cür hallar baş verərkən təcili tibbi yardıma müraciət edilməlidir.