Bolqarıstanda “Azərbaycan: müxtəlifliyin əsl gözəlliyi” adlı fotosərgi açılıb
Bakı, 31 may, AZƏRTAC
Bolqarıstanın paytaxtı Sofiya şəhərinin Milli Mədəniyyət Sarayı parkında yerləşən şəhərin mərkəzi körpüsü üzərində Azərbaycanın Müstəqillik Gününə həsr edilən “Azərbaycan: müxtəlifliyin əsl gözəlliyi” adlı fotosərgi açılıb.
Bolqarıstandakı səfirliyimizdən AZƏRTAC-a verilən məlumata görə, sərginin açılışında Sofiya şəhər bələdiyyəsinin rəsmiləri, Bolqarıstanın ictimai birlikləri, dini icmaları və Azərbaycan diasporunun təmsilçiləri, habelə media nümayəndələri iştirak ediblər.
Azərbaycan Respublikasının Bolqarıstan Respublikasındakı səfirliyi və Sofiya şəhər bələdiyyəsi tərəfindən birgə təşkil edilən fotosərgi Azərbaycanın füsunkar təbiətini, zəngin mədəniyyət və incəsənət nümunələrini, arxitektura incilərini, dini tolerantlıq və multikulturalizm ənənələrini əks etdirən fotolardan ibarətdir.
Şəhər sakinləri və qonaqlarının böyük marağına səbəb olan fotosərgi iki həftə davam edəcək.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir