Bakı, 31 may, AZƏRTAC

"YAŞAT" Fondunun rəhbəri Elvin Hüseynov Heydər Əliyev adına liseyin 2-ci sinif şagirdi Aynur Zeynallıya Fondun təşəkkürnaməsini təqdim edib.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr şöbəsindən AZƏRTAC-a verilən məlumata görə, təşəkkürnamə ona Fonda mütəmadi formada etdiyi ianələrlə əlaqədar verilib.
Məqsəd şagirdlərimizin Vətən sevgisinin və davranışının nümunəvi formada təbliğidir .
8 yaşlı Aynur dövlət tərəfindən aldığı müavinətdən hər ay Fonda ianə edir.
Eyni zamanda ona 1 İyun - Uşaqların Beynəlxalq Müdafiəsi Günü ərəfəsində müxtəlif hədiyyələr təqdim olunub.