Volodimir Zelenski və Olaf Şolts arasında telefon danışığı olub
Kiyev, 30 may, AZƏRTAC
Ukrayna Prezidenti Volodimir Zelenskinin Almaniya kansleri Olaf Şolts ilə telefon danışığı olub.
AZƏRTAC xəbər verir ki, bu barədə Zelenskinin tviter səhifəsində məlumat verilib.
"Kansler Şoltsla əsaslı telefon söhbətim oldu. Mən ona 3 milyard avro dəyərində güclü müdafiə paketinə görə təşəkkür etdim", - deyə Zelenski bildirib.
İki ölkənin liderləri Zelenskinin Almaniyaya son səfəri zamanı əldə olunmuş razılaşmaların həyata keçirilməsini və Ukraynanın müdafiə qabiliyyətinin, xüsusən hava hücumundan müdafiə sisteminin daha da gücləndirilməsini müzakirə ediblər.
"Biz qarşıdan gələn beynəlxalq tədbirlər ərəfəsində mövqelərimizi razılaşdırdıq", - deyə Ukrayna Prezidenti əlavə edib.
Qeyd edək ki, bu yaxınlarda Almaniyanın müdafiə naziri Boris Pistorius Ukraynaya 2,7 milyard avrodan çox ən böyük hərbi yardım paketinin ayrıldığını təsdiqləyib.
Emil Hüseynli
AZƏRTAC-ın xüsusi müxbiri
Kiyev
Media: İsrail Pasxa bayramından əvvəl İrana cavab verməyəcək
Dekabrın 15-i Türk Dili Günü kimi qeyd edilə bilər
“Lufthansa” Avropada ən çox uçuş ləğv edən aviaşirkətdir
Aİ: Ukraynaya təcili olaraq hava hücumundan müdafiə sistemləri verilməlidir
Malmö polisi “Avroviziya-2024” ərəfəsində gücləndirilmiş təhlükəsizlik tədbirləri görür