FHN: Suraxanı rayonunda fərdi evdə yanğın baş verib
Bakı, 28 may, AZƏRTAC
Fövqəladə Hallar Nazirliyinin (FHN) 112 - qaynar telefon xəttinə paytaxtın Suraxanı rayonunun Qaraçuxur qəsəbəsində fərdi yaşayış evində yanğın baş verməsi barədə məlumat daxil olub.
Nazirlikdən AZƏRTAC-a bildirilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Hadisə yerində əməliyyat şəraiti qiymətləndirilərkən vətəndaşa məxsus hər mərtəbəsi 110 kvadratmetr olan altıotaqlı fərdi yaşayış evinin ikinci mərtəbəsində baş vermiş yanğının genişlənərək qonşu tikililərə keçmə riskinin yüksək olduğu müəyyənləşdirilib.
Əməliyyat şəraitinə uyğun olaraq yanğınsöndürənlərin həyata keçirdikləri operativ tədbirlər sayəsində yanğın genişlənməsinə, habelə qonşu tikililərə keçməsinə imkan verilmədən qısa müddətdə söndürülüb.
Yanğın nəticəsində evin ikinci mərtəbəsinin üç otağı və dam örtüyü 110 kvadratmetr sahədə yanıb.
Evin qalan hissəsi və qonşu tikililər alovdan mühafizə edilib.
Hadisə nəticəsində xəsarət alan olmayıb.
“Tik-Tok”da “kreditə qızıl satılır” adı altında vətəndaşları talayan dəstə üzvləri saxlanılıb
Bakı Ağır Cinayətlər Məhkəməsinin hakimi intihar edib
“Binə” və “Sədərək” ticarət mərkəzlərini su basıb, əraziyə xilasetmə qüvvələri cəlb edilib VİDEO
Fatmayı kəndində dənizdə batan şəxsin meyiti tapılıb - YENİLƏNİB
FHN: Ötən sutka ərzində 40 yanğına çıxış olub, 13 nəfər xilas edilib VİDEO