Azərbaycanla Türkmənistan arasında konsulluq məsələləri müzakirə olunub
Bakı, 27 may, AZƏRTAC
Bakıda Azərbaycan və Türkmənistan Xarici İşlər nazirliklərinin konsulluq idarələri arasında məsləhətləşmələr keçirilib.
AZƏRTAC xəbər verir ki, məsləhətləşmələr zamanı tərəflər qarşılıqlı maraq doğuran bir sıra konsulluq məsələləri, Azərbaycan vətəndaşlarının Türkmənistandakı və Türkmənistan vətəndaşlarının Azərbaycandakı hüquqi vəziyyəti, Azərbaycanda təhsil alan türkmən tələbələr və digər məsələlər üzrə ətraflı müzakirə aparıblar.
Gündəliyə uyğun olaraq, Azərbaycan və Türkmənistan Dövlət Miqrasiya Xidmətləri arasında da əməkdaşlığın daha da inkişaf etdirilməsi və təcrübə mübadiləsi məsələləri barədə fikir mübadiləsi aparılıb.
İclasın yekununda iki ölkə Xarici İşlər nazirliklərinin konsulluq idarələri arasında konsulluq məsləhətləşmələrinə dair protokol imzalanıb.
Şarl Mişel: Azərbaycanla Ermənistan arasında əldə olunmuş razılaşmanı alqışlayırıq
“Qazaxın 4 kəndinin danışıqlar yolu ilə azad edilməsi böyük həqiqətin növbəti təzahürüdür” - RƏY
İsveçin xarici işlər naziri Qazaxın kəndlərinin Azərbaycana qaytarılması ilə bağlı paylaşım edib