Ukraynalı hərbçilər “Abrams” tanklarında təlimlərə başlayıb
Bakı, 27 may, AZƏRTAC
Ukrayna hərbçilərindən ibarət 400 nəfərlik qrup Kiyevin ehtimal edilən əks-hücumu fonunda Almaniyada “Abrams” tanklarının idarə edilməsi üzrə təlimlərə başlayıb.
AZƏRTAC xəbər verir ki, “The New York Times” qəzeti bu barədə ABŞ Müdafiə Nazirliyinə istinadla məlumat yayıb.
“Ukraynalı hərbçilər Almaniyanın “Qravenfor” və “Hoenfels” bazalarında “Abrams” tanklarının idarə edilməsi üzrə ümumqoşun təlimlərinə başlayıb”, - deyə Pentaqondan bildirilib.
Artıq bir neçə aydır ki, mətbuatda Ukrayna Silahlı Qüvvələrinin mümkün əks-hücumu mövzusu geniş müzakirə olunur. Rusiya hakimiyyətinin fikrincə, Qərb ölkələri tərəfindən Ukrayna ordusunun gözlənilən hücumunun açıq müzakirəsi onların münaqişədə bilavasitə iştirakını təsdiq edir.
Bərənin Neapol limanının körpüsünə çırpılması nəticəsində 30-a yaxın insan yaralanıb
Çexiyanın dövlət borcu 136 milyard dollara yüksəlib
ABŞ İsrailə 1 milyard dollarlıq mərmi tədarükü imkanını araşdırır
G7 ölkələri Ukraynanın hava hücumundan müdafiəsini gücləndirəcəklər