Sumqayıt, 27 may, AZƏRTAC
Sumqayıtlı gənclər mayın 27-də Mərkəzi Qan Bankının Gənclər və İdman Nazirliyi ilə birgə təşkil etdiyi qanvermə aksiyasında iştirak ediblər.
Milli Hematologiya və Transfuziologiya Mərkəzinin Sumqayıt bölməsində keçirilən aksiyaya 45 nəfər müraciət edib.
Bölmənin rəhbəri Leyla Məhərrəmova AZƏRTAC-a bildirib ki, əvvəlcə müraciət edənlərin sağlamlıq durumu qiymətləndirilib, sonra onların aksiyada iştirak etmələrinə icazə verilib.
Tədarük olunan qan nümunələri yoxlandıqdan sonra talassemiya və digər irsi qan xəstəliklərindən əziyyət çəkən insanlar üçün istifadə olunacaq.