Bakı, 26 may, AZƏRTAC

Yaxın vaxtlarda ölkədə suyun qiymətinin bahalaşması gözlənilmir.
AZƏRTAC xəbər verir ki, bunu “Azərsu” ASC-nin ictimaiyyətlə əlaqələr şöbəsinin müdiri Anar Cəbrayıllı deyib.
O bildirib ki, suyun qiymətinin bahalaşması ilə bağlı “Azərsu” Tarif Şurasına müraciət etməyib: “Məsələ gündəmdə deyil. Biz Tarif Şurasına bu barədə müraciət etməmişik".
Həmçinin bildirilib ki, sudan israfçılığın qarşısını almaq üçün hazırlanan tədbirlər planına uyğun olaraq hər bir rayon üzrə yaradılan xüsusi qruplar mayın 1-dən fəaliyyətə başlayıb.