Bakı, 26 may, AZƏRTAC
Abşeron yarımadasında və Bakıda sudan qanunsuz istifadənin qarşısını almaq üçün tədbirlər artırılıb.
AZƏRTAC xəbər verir ki, bunu “Azərsu” ASC-nin ictimaiyyətlə əlaqələr şöbəsinin müdiri Anar Cəbrayıllı brifinqdə bildirib.
Qurum rəsmisi bildirib ki, sudan qanunsuz istifadə hallarına çox rast gəlinir. A.Cəbrayıllı əlavə edib ki, qanunsuz hallarına qarşı rayon icra hakimiyyəti, bələdiyyə və polis idarələri ilə birgə mübarizə aparılır. O, vətəndaşlara sudan qənaətlə istifadə etmələrini tövsiyə etdi. Çünki hazırkı vəziyyətdə göstərir ki, su çatışmazlığı mövcuddur.