Azercell abunəçilərinə “İstəSən” tarifi daxilində vatsapda limitsiz yazışma imkanı verir

“Azercell Telekom” müştərilərə seçim azadlığı və öz tarifini yaratmaq imkanı verən “İstəSən” tarifində yenilik tətbiq edib. Abunəçilərdən daxil olan istəklərə əsasən “İstəSən” tarifinin əsas paketinə 30 ölkədaxili dəqiqə və 3GB internetdən əlavə vatsapda pulsuz yazışmaq imkanı da əlavə olunub. Daha ətraflı məlumatı Azercell-in rəsmi səhifəsində əldə etmək olar: https://bit.ly/istesen_yeni 
Xatırladaq ki, “İstəSən” tarifi abunəçilərin sərbəst dizayn edə biləcək ilk və yeganə rəqəmsal tarifdir və bura ölkədaxili dəqiqələr, ümumi internet və instaqram, feysbuk, yutub və TikTok kimi əlavə internet paketləri daxildir. Tarifin qiyməti əsas paketin üzərinə edilən əlavələrə əsasən dəyişir və artırdıqca daha sərfəli olur. Tarif dizaynına dəyişiklikləri yalnız özünəxidmət tətbiqi olan “Kabinetim”də etmək olar.
Abunəçilərinin tələbat və maraqlarını nəzərə alan Azercell sərfəli təkliflər, geniş çeşiddə məhsul və texnoloji həllər ərsəyə gətirməyi davam edir.