Bakı, 25 may, AZƏRTAC
Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Moldovaya səfər çərçivəsində Kişineu şəhərində bu ölkənin Ticarət və Sənaye Palatasının prezidenti Sergiu Harea ilə görüşüb.
KOBİA-dan AZƏRTAC-a bildirilib ki, görüşdə hər iki ölkənin biznes dairələri arasında əlaqələrin inkişafı və bu istiqamətdə birgə əməkdaşlıq platformalarının yaradılması imkanları nəzərdən keçirilib. Eyni zamanda, KOB-ların iştirakı ilə birgə sərgilərin təşkili və dəstəklənməsinə, təlimlərə və məsləhət xidmətinin göstərilməsinə dair fikir mübadiləsi aparılıb.