Biləsuvar, 24 may, İlkin Adıyev, AZƏRTAC

Respublikamızın iri pambıqçılıq rayonlarından olan Biləsuvarda artıq çiyid səpini başa çatmaq üzrədir.
AZƏRTAC-ın bölgə müxbiri xəbər verir ki, rayon pambıqçıları tərəfindən bu il müqavilə əsasında əkilməsi nəzərdə tutulmuş 6894,8 hektar sahədən 6555,9 hektarında çiyid səpini başa çatdırılıb.
Rayon üzrə çiyid səpininin 1425,9 hektarı “MKT İstehsalat Kommersiya” MMC, 1691 hektarı “Azərpambıq” MMC, 1170 hektarı “P-Aqro” MMC, 542 hektarı “Aztəsərrüfat” MMC və 1727 hektarı isə “Cotton Trade” MMC ilə müqavilə əsasında həyata keçirilib.
Bağlanan müqaviləyə əsasən, pambıq istehsalçıları lazımi texnika, toxum, gübrə və kimyəvi preparatlarla tam təmin edilirlər.
Bu günədək 4850 hektar sahədə çıxış alınıb, erkən səpilən pambıq sahələrində becərmə işlərinə başlanılıb.