Hoteldə paytaxt sakinini döyən şəxslər saxlanılıblar
Bakı, 24 may AZƏRTAC
Mayın 22-də saat 22 radələrində Xətai rayonunda yerləşən hotellərin birində xuliqanlıq hadisəsi törədilib.
Daxili İşlər Nazirliyinin mətbuat xidmətinin əməkdaşı Nurlan Əliyev AZƏRTAC-a bildirib ki, xuliqanlıq zəminində paytaxt sakini olan 1979-cu il təvəllüdlü şəxsi döyüb hoteldəki əşyaları dağıdaraq 1000 manat məbləğində ziyan vurmaqla xuliqanlıq hərəkətləri törədən Bakı şəhər sakinləri – 2003-cü il təvəllüdlü Sübhan Şərifzadə və 2004-cü il təvəllüdlü Samir Qədimzadə polis əməkdaşları tərəfindən saxlanılıblar.
Faktla bağlı prosessual qanunvericiliyə uyğun olaraq araşdırma aparılır.
Həmçinin qeyd olunub ki, mayın 23-də saat 22:30 radələrində Faiq Əlverdiyev, Zaur Əsgərov, Əli Məlikov, Əli Əhmədov, Cavid Nəbiyev, Orxan Məmmədov və Seymur Allahverdiyev Xətai Rayon Polis İdarəsinin 37-ci Polis Şöbəsinin qarşısında toplaşaraq məsuliyyətə cəlb edilən tanışlarının saxlanılmasına etiraz olaraq səs-küy salaraq polis əməkdaşları ilə mübahisəli vəziyyət yaradıblar. Bununla əlaqədar polis bölməsinə gətirilən həmin şəxslər barəsində İnzibati Xətalar Məcəlləsinin 510-cu (xırda xuliqanlıq) maddəsi ilə inzibati xəta haqqında protokollar tərtib olunaraq məhkəməyə göndərilib.
“Tik-Tok”da “kreditə qızıl satılır” adı altında vətəndaşları talayan dəstə üzvləri saxlanılıb
Bakı Ağır Cinayətlər Məhkəməsinin hakimi intihar edib
“Binə” və “Sədərək” ticarət mərkəzlərini su basıb, əraziyə xilasetmə qüvvələri cəlb edilib VİDEO
Fatmayı kəndində dənizdə batan şəxsin meyiti tapılıb - YENİLƏNİB
FHN: Ötən sutka ərzində 40 yanğına çıxış olub, 13 nəfər xilas edilib VİDEO