Azərbaycan Kinematoqrafçılar İttifaqının 60 illiyi münasibətilə klassik filmlər nümayiş olunacaq
Bakı, 23 may, AZƏRTAC
Azərbaycan kinosunun 125, “Azərbaycanfilm” kinostudiyasının 100 və Azərbaycan Kinematoqrafçılar İttifaqının (AKİ) 60 illiyi münasibətilə klassik filmlərin nümayişi təşkil ediləcək.
AKİ-dən AZƏRTAC-a verilən məlumata görə, proqram çərçivəsində Oktay Mirqasımın “Günaydın, mələyim”, Tofiq Tağızadənin “Yeddi oğul istərəm” bədii filmləri, dünya kinosu klassikasından isə Andrey Tarkovskinin “Güzgü” bədii filmi nümayiş olunacaq.
“Günaydın, mələyim” filminin nümayişi həm də, Oktay Mirqasımın 80 illik yubileyi münasibətilə təşkil olunur. Eyni zamanda, tamaşaçıların xüsusi marağına səbəb olan və xarici ölkələrdə özünə diqqət çəkən filmlərdən biri olan rejissor İlqar Safatın “Sahə” bədii filmi də təqdim ediləcək.
Qeyd edək ki, Azərbaycan Kinematoqrafçılar İttifaqının əsas hədəflərindən biri, milli kinomuza tamaşaçılarda maraq yaratmaq, zövqlü tamaşaçı ordusu formalaşdırmaqdır. AKİ bu kimi nümayişləri il ərzində davam etdirir. Nümayişlərin məkanı isə dəyişməz olaraq “CinemaPlus Azerbaijan”dır.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir