“İdman akademiyası” komandası Azərbaycan çempionatında liderliyini davam etdirir
Bakı, 22 may, AZƏRTAC
Kişi həndbolçuların Azərbaycan çempionatında təxirə salınmış oyunlar keçirilib.
Azərbaycan Həndbol Federasiyasının mətbuat xidmətindən AZƏRTAC-a bildiriblər ki, IX turun “Dinamo” – “Təhsil” matçı daha gərgin idman mübarizəsi ilə yadda qalıb. Fasiləyə 1 xal fərqi ilə geridə yollanan “Dinamo” çətinliklə də olsa, vəziyyəti dəyişə bilib – 33:32. Çempionatın lideri “İdman akademiyası” növbəti qələbəni “Məhsul”la oyunda rəsmiləşdirib - 26:23. “Bakı” - U-16 görüşündə isə favorit statusunu təsdiqləyən nominal ev sahibi inamlı qələbə qazanıb – 49:21.
“Təhsil” ilə “Dinamo”nun X turdakı dueli də maraqlı idman mübarizəsi şəraitində keçib. Əsas vaxtı 29:29 hesabı ilə bitən görüşün taleyi penaltilər seriyasında müəyyənləşib. Burada isə daha dəqiq oynayan “Təhsil” IX turdakı məğlubiyyətin əvəzini çıxmağı bacarıb – 32:30. “İdman akademiyası” bu turda “Məhsul”a 23:24 hesabı ilə məğlub olduğu halda, “Bakı” U-16 komandası üzərində 37:24 hesablı qələbə qazanıb.
“İdman akademiyası” 57 xalla turnir cədvəlinə başçılıq edir. İkinci pillədəki “Dinamo” liderlə xal fərqini 5-ə endirib. “Təhsil”lə “Məhsul”un hərəyə 44 xalı var. “Bakı” 25 xalla beşincidir. Aktivlərində cəmi 6 xal olan RİOEUGİM və “U-16” autsayderdirlər.
Azərbaycanlı şahmatçılar beynəlxalq turnirdə qələbə qazanıblar
Xabi Alonso “Bayer”də qalacağını açıqlayıb
“Everton”un sabiq futbolçusu ömürlük həbs oluna bilər
Bakıdakı təsnifat turnirində 33 ölkənin güləşçiləri mübarizə aparacaqlar
Argentina millisinin futbolçusunu hədələyən cinayətkarlar saxlanılıb