Azərbaycan Üzgüçülük Federasiyasının vitse-prezidenti beynəlxalq mükafata layiq görülüb
Bakı, 22 may, AZƏRTAC
Azərbaycan Üzgüçülük Federasiyasının vitse-prezidenti Mark Koqanov Beynəlxalq Üzgüçülük Şöhrət Zalının (ISHOF) Su İdmanı Mükafatına layiq görülüb.
AZƏRTAC Azərbaycan Üzgüçülük Federasiyasına istinadla bildirir ki, hər il keçirilən mükafatlandırma mərasimi su idmanının inkişafına böyük töhfələr verən şəxslərə və ya təşkilatlara təqdim olunur.
Qurum 2023-cü ilin qaliblərini elan edib. Bu il mükafatlara rəqabətli üzgüçülük üzrə Mike Unger, su polosu üzrə Azərbaycan Üzgüçülük Federasiyasının vitse-prezidenti Mark Koqanov, dalğıc idman növü üzrə Ellie Smart, bədii sinxron üzgüçülük üzrə Maria Joze Bilbao Brunel, su təhlükəsizliyi üzrə Cullen Jones və istirahət üzgüçülüyü üzrə isə Sofia Forte layiq görülüblər.
Mükafatların təqdim etmə mərasimi sentyabrın 29-da ABŞ-ın Florida ştatının Fort Lauderdeyl şəhərində keçiriləcək.
Ralf Ranqnik “Bavariya”nın baş məşqçisi ola bilər
Veteran stolüstü tennisçilər arasında ölkə çempionatına start verilib
Superliqa klubu tanınmış futbolçunu heyətdən kənarlaşdırıb
“Murov Az Terminal”ın kapitanı: “Neftçi”ni məğlub edərək finala çıxmaq sürpriz deyildi
Azərbaycan Liqası: Çempionluğa iddialı komandalar Mingəçevirdə üz-üzə gələcək