Cəlilabad, 20 may, İlkin Adıyev, AZƏRTAC

Cəlilabad rayonunda növbəti çiyələk festivalı keçirilib.
AZƏRTAC-ın bölgə müxbiri xəbər verir ki, Cəlilabad Rayon İcra Hakimiyyətinin təşkilatçılığı ilə keçirilən festival Heydər Əliyev Seyrəngahından start götürüb.
Festivalda rayonda istehsal və ixrac edilən çiyələk sortları nümayiş etdirilib. Eyni zamanda tədbirdə kənd təsərrüfatı şirkətlərinin çıxışları, yerli brendlər və ənənə halına çevrilən çiyələk məhsulları təqdim olunub.
Nümayiş etdirilən əl işləri, idmançıların, rəqs və musiqi qruplarının bir-birini əvəz edən çıxışları maraqla qarşılanıb.
Bayram konserti tanınmış incəsənət ustalarının iştirakı ilə davam edib.