Böyük Britaniya Rusiyadan almaz və metal idxalına qadağa qoyacaq
Bakı, 19 may, AZƏRTAC
Böyük Britaniya hökuməti Rusiyada istehsal edilən mis, alüminium və nikelin, həmçinin almazın idxalını qadağan edəcək.
AZƏRTAC xəbər verir ki, bu barədə krallığın Baş naziri Rişi Sunakın bəyanatında deyilir. Qadağanın qüvvəyə minəcəyi tarix isə göstərilmir.
Bəyanatda, həmçinin Böyük Britaniyanın 86 rusiyalı fiziki şəxsə, hərbi-sənaye komplekslərinə və kompaniyalara qarşı məhdudiyyətlərin tətbiq ediləcəyi bildirilir.
London bundan öncə 2022-ci ilin yazında Rusiyanın almaz istehsalı ilə məşğul olan “Alrosa” kompaniyasına qarşı sanksiya tətbiq etmiş və bu ölkədə istehsal olunan almaza isə 35 faizlik rüsum qoymuşdu.
Böyük Britaniyanın Rusiyaya qarşı sanksiya siyahısına indiyədək ümumilikdə 1,5 mindən çox fiziki və hüquqi şəxs daxil edilib və onlara məxsus 18 milyard funt-sterlinq (22,3 milyard dollar) vəsait dondurulub.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır